غمض عينيك
جمال زكى عينر
غمض عينيك يا جدع
وامشى على مهلك
ع الدنيا سوق الدلع
وهى تندهلك
دق بيبان الهنا
ماتخافش م الايام
طول ما انت قافل عينيك
السعد يفتح لك
غمض عينيك وافرد
للدنيا جناحاتك
طير في الفضا وانسى
حزنك وآهاتك
طول ما انت مدي الطناش
للدنيا واحوالها
الفرح يجري عليك
تسعد بأوقاتك
غمض عينيك وانسى
همك وآلامك
انسى العذاب و الأسى
خليك في أحلامك
الفكر لو كان له باب
سده بحجر وارتاح
وافتح بيبان الهنا
للفرح لو جالك
غمض عينيك سيبك
م الهم وسنينه
انسى ليالي الضنا
والحزن وأنينه
لو فات عليك العذاب
اضحك له واتبسم
راح يمشي وحيختشي
غصبن على عينه
بقلمي الشاعر جمال زكي عينر
التعليقات مغلقة.