إقرأ كتابك
أحمد كريم
إقرأ كتابَكَ كُلَّما
حَسِّيت بقُوِّة سطوتَك
فى الأرض كان أو فى السَّما
حاجات تِغَيَّر فِكرِتَك
بقيت كبير
وفلوس كتير
وزهزهِت لَك دُنيِتَك
وناس تحابى
وناس تشابِى
وناس بتِفرِش سِكِّتَك
إنسَى الغُرور
بين السُّطور
هاتشوف نهاية قِصِّتَك
مِ الطِّين أتيت
للطين تِعُود
والدُّود هاياكُل جِتِّتَك
لو اغتَنِيت
بالنِّعمَه جُود
النِّعمَه دى… مش نِعمِتَك
التعليقات مغلقة.