صديقي بقلم عصام قابيل
صديقي سافر بره
وعليه ماليش عتاب
قلتله ذات مره
هابعتلك كام كتاب
تقرا وتفيد بالمره
وتتسّلى في الغياب
لقيته كسر جره
وراح قافلي باب
ولارد حتى ذّرّة
وفص ملح وداب
كأن فيه مضرة
وراح أسقيه عذاب
رنيتله الف مره
واستحلى هو غاب
وقلت أعيد الكرة
من فوني ويااللاب
لقيت جنازة حارة
والميتين كلاب
وفين لقيته مرة
بيرن بالحساب
قلت اشوفه يمكن
عن خصامي تاب
اتاريه كان بيركن
لماشعري شاب
ورجعت تاني ريما
تمسح الأعتاب
وحركات بقى قديمة
وظني تاني خاب
التعليقات مغلقة.