حد قال عني عجوز
سامح لطف الله
رِجل جوة القبر يمكن
رِجْل لِسة يدوب بباب
شَعر شايب قد يجوز
قلبي دفيان بالشباب
بالسنين جايز عجوز
قلبي متودِّك عذاب
هتلوموه لو مال لشقرا؟
قلبه لو هيفك شفرة
للرسايل م العيون
والشباب يا ألف حسرة
حط فوطة فوطة صفرا
إن يقولوا عينه فاجرة
فجري مليان بالجنون
لو يقولوا رمشه سارق
يسرق الكحل ف سكون
صدقوا دول كدابين
عمري معدود بالثواني
لحظة الشوق والحنين
والسنة علي قلب خالي
عمرها يتقاس سنين
شفتوا مرة نن عينها؟
كوز ومليان بالحنين
شفتوا جفن العين يداري
الخجل م المحرومين؟
شفتوا خد يبٌك دمّه
من يدوبك نظرتين؟
شفتوا شفة ورد بلدي
طاب عسلها وزاد حنين؟
يا شباب وبسرعة سلّم
النمر قبل السنيين
والحَكم وعليكوا صفّر
وادّى رأفة لحظتنن
الشباب عود سيس مخوّخ
جتكوا نيلة مضروبين
سامح لطف الله
التعليقات مغلقة.