كام تساوي بقلم أحمد كريم مصر
كام تساوِى
لو تحسبها بس صح
وبالتساوي
كام تساوي ضحكه صافيه
من قلب صافى
عُمرُه ماكان ع الشَّر ناوي
كام تساوى؟!
كام تساوي الدنيا
من غير بشر
ماليين حياتَك بالغناوى
كام تساوى؟!
كام تساوي إبتسامتَك
فى وِش صاحبَك
اللى جاى عَشمان فى قلبَك
يستِخَبَّى جوَّه حُضنَك
من طريق تاهت معاه
كل الخطاوى
كام تساوى؟!
كام تساوى حياتَك انتَ
لو عشتها
من غير قلوب حواليك تحبَّك
وتخاف عليك…
إحسبها صح ومن نتيجة حِسبِتَك
ساعتها تعرف…كام تساوى
التعليقات مغلقة.