مسرحية صرخة أولاد الشوارع الفصل الرابع بقلم منصور أحمد عبد المقصود
المشهد الرابع
صليب بالمنزل
مريم ….. الحمد لله على سلامتك يا صليب …. جبت الطلبات معاك
صليب …. ايوه كل حاجة عندك زى ما طلبتى بالضبط
مريم …. طيوبة اوى البنت دى يا صليب وضحوكة وزى العسل
صليب …. اوعى تتعلقى بيها يا مريم دى مش بنتنا
مريم ….. ما هو اهلها رموها فى الشارع
صليب …. ايوة برضه مش بنتنا
مريم …. انا صعبانة على البنت تروح الملجأ يا صليب
صليب … حاجات كتير تمنع انك تحتفظى بيها يا مريم
مريم …. ليه بقى ان شاء الله هاكلها
صليب …. لأ طبعا يا مريم بس اولا دى بنت وثانيا مسلمة مش مسيحية يعنى بتخالفك فى الدين والعقيدة ودى امانة يا مريم فاهمة يعنى ايه امانة
مريم …. هو انا قلتلك حاجة عن دينها انا بقولك نرعاها بس لكن وهى على دينها طالما اهلها مش عاوزينها
صليب … مش عارف يا مريم سيبينى لما اسأل الاول ينفع ولا لأ بس مترطبتيش بيها اكتر من كده عشان متتعبيش لما تسيبك
مريم …. بس انت اسأل ولو ينفع انا اربيها وتعيش معايا احسن ما نوديها الملجأ
صليب …. الصباح رباح اللى عاوزه ربنا هو اللى هيكون … اكلتيها ؟؟
مريم …. يا خراشى يا صليب شوف بتبصلك ازاى شوف رقيقة ازاى
صليب … يلا عشان نتعشى وننام
مريم …. العشاء عندك انا مش جايلى نوم انا هقعد العب شوية مع ؟؟؟؟ الا صحيح هى اسمها ايه يا صليب
صليب … العلم عند الله
مريم …. انا هقولها نعمة ، يا حبيبتى يا نعمة
صليب …. وبعدين بقى معاكى يا مريم اهدى شوية
مريم …. فى ايه يا صليب ؟؟؟ الله
وبعد انقضاء شهر كامل
صليب – تعالوا يا ولاد عشان نتحاسب
هات يا عبدالله كشكول الحساب وشوف أحمد موزع جرايد قد ايه فى الشهر اللى عدا
عبد الله – حاضر يا عم صليب
اول يوم 300 جرنال والتانى 320 والثالث…..
أحمد موزع 10200 حتة يا عم صليب
صليب – ليك فى الحتة 15 قرش يعنى بحسبة بسيطة يبقى حسابك 15300جنيه يا أحمد وأدى فلوسك يا عم أحمد
أحمد – أنا عملت الفلوس دى كلها مش ممكن
صليب – مش ممكن ليه ، أنت تعبت وده حقك ولو تعبت شوية كمان . هتكسب أكتر ومكسبك حلال
أحمد – انا كان اكبر حاجة حلمت بيها انى أمسك 10 جنيه 1500 جنية الحمد لله
صليب – 1530 ربنا يطرحلك فيهم البركة
شوفلى حساب صالح يا عبد الله
عبدالله – صالح اليوم الاول 40 دستة والتانى 36 دستة
المجموع 1250 دستة يا عم صليب
صليب – انت ليك فى الدستة 120 قرش ، وبايع 12500 دستة عفارم عليك يا صالح انت مجتهد زى أحمد ، كده يبقى حسابك 1500 جنيه ، وآدى يا عم صالح فلوسك أهى ، شدوا حيلكم وربنا معاكم
صالح – يكاد قلبه يفارق اضلعه 1500 معقوله المنديل ابو 50 قرش يجيب كده ، الحمد لله
صليب – تعالى يا عبد الله خد حسابك تعرف انت ليك كام
عبدالله – كل اللى ييجى منك كويس يا عم صليب
صليب – لأ احنا بنا اتفاق واللى يخون الاتفاق يبقى بيخون نفسه مع ربنا
انت تاخد نص اللى خده أحمد ونص اللى خده صالح يبقى انت ليك كام ؟
عبدالله – 1515 يا عم صليب
صليب – مبروكين عليك اتفضل ادى يا عم عبدالله فلوسك
عبدالله – ربنا يباركلنا فيك يا عم صليب وميحرمناش منك أبدا
صليب – يلا شوفوا مصلحتكم اللى عاوز يعمل حاجة يعملها وعاوزكم كلكم هنتعشى سوى النهارده وهنروح مشوار سوى
الثلاثه مغادرين – السلام عليكم يا عم صليب
صليب – مع ألف سلامة
صليب فى المنزل
التعليقات مغلقة.