ضمير بيئن
جيهان النجار
وفوق كتفي ضمير بيئن
لما تزيد ف اخبارنا دموع أطفالنا وصراخهم
أنا بتجن !
بلاقي ضلوعي مقسومة
ونبض القلب نازل زن
بيتشعبط ف اى حياة
أتارى الموت على رقابنا
بحدة أتسن!
سمحناله يطيح فينا
وتتشتت هويتنا
نسينا ازاى رسالتنا
بنتحسر على خيبتنا
على أقداسنا وباقي الأرض
على قوتنا وتاريخنا
فقد صلاحيةو نهاية
مافيش أجيال تشيل راية
ولا قدوة ولا دراية
ده حب المال صبح غاية
وحدوته على حكاية
على نكتة وملهاية
تغرَّب فينا ايامنا
وبعد الموت بنتمني
ولو ساعة
نقول للرجس لا كفاية٠
التعليقات مغلقة.