زقزقة عصفور
قلم أسـمـاء الـبـيـطـار
و كأن صدري قفص
محبوس فيه
عصفور جريح
جناح كسره اللي صار
و التاني بيقاوم الريح
مخنوق من الحبسة جوا الجراح
أصل ما لوش غير ف البراح
و ما يعرف غير إنه فـ الفضا يسرح
صوت و اتخلق للفرح
و كأنه نغمة بتطبطب ع الجرح
و بيقلب صوت الناي أفراح
و يرفرف بجناحه المكسور
فوق كل مجروح
و يشوفوه تتملي عنيهم
بليالي كانت مِلاح
و بزقزقة عصفور كله جروح
خد حزنهم و همهم وراااااح .
/ مُجرد خاطرة /
التعليقات مغلقة.