” ارتقيه…شد فيه ” شعر سيدة القصاص
لو مفكر كوفيد يقدر
أي بلـوة و ليـها آخـر
ما تخـافوش
بس خـلُّوا
البسـمة ترقـص
ع الوشـوش..
ياللي زيي وسهمه
صاب ليك
السفينة
ليه عينيك باتت
حزينة؟
لو مفكر إن
” كوفيد ” بس
يقدر
يئذي فينا…؟
أو يخلص يوم
علينا؟
وللا له مَرْسَى
ومينا ….؟
لأ مالوش…
ماتخافوش
وان حلف لك إنه
يقدر ..دوس
عليه ماتصدقوش
واوعى خوفك
ينحرك
قدام ظروفك
وللا صبرك
يكسرك
ويميل وقوفك
مَد إيدك
هات كفوفك
امسك الحبل
السماوي
يللا امسك
ده متين
ماتسيبوش
غير نصيبك
لن يصيبك
والمقدر
لن تحوش
حبل ربك
ارتقيه شِد فيه…
كُن ….نبيه
لو ذراري الكون
“كورونا”
ما تطَّولوش..
.
التعليقات مغلقة.