ع الهامش بقلم نفيسة سليمان
حاجات كتير جوانا بنخليها ع الهامش
يمكن ضحكه تاهت وسط الليل
والا دمعه اتخبت جوا الكلام
أو دقة قلب همست للقمر
سمعت صداها النجوم
لمسة أيد مش مقصوده ف الزحام
نظرة عين مخطوفه من الأحلام
حاجات كتير ع الهامش
تتولد من غير معاد
أو تموت وتبقى ف طي النسيان
مش مهم عمرها لحظه أو حتى ألف عام
المهم إنها رسمت ضحكه أو مسحت دمعه بطريق الأيام
دور ع الهامش يمكن تلاقي حلمك إللي ضاع
وسنين عمرك قبل ما يفوت الأوان ….
هلوسات بقلمي ..
التعليقات مغلقة.