أبا العمده “لائحة جملات” زين ممدوح
مرزوق هو النشاط الرياضي هيرجع امتى
محدش يعرف يا جملات
انت مستعجلة ليه
بصراحة ماتشات الكورة وحشتنى
أول مره أعرف أنك بتحبى الكورة والدورى المصرى كده
الدورى المصرى إيه راجل، هى دى كورة ،
دى خناقات وزعيق لمدة ساعه ونصف !
أمال بتحبى إيه يا جمولتى
الدورى الأفغاني !
يخرب بيت مطنك سبتى الدنيا كلها ورحت قندهار
زى ماناس كتير سايبه الشفاطين وبيبصوا فى كحكة اليتيم !
وبتشجعى مين بقى يا ست الكفر والدلال
طالبان ؟!
لهو انت ناسى أنى أول لاعبه فى الكفر تفوز بالطورية الذهبية ثلاث مواسم ورا بعض،وان شاء هرشح نفسى لإتحاد الكورة، وابقى أول رئيسة اتحاد فى مصر !
ربنا يحقق لك كل امنياتك
طب انت يا جملات لو بقيتى رئيسة اتحاد هتعملى إيه
ان شاء الله بعد كرونا دى
لازم يكون هناك إعادة النظر فى أجور اللاعبين وانتقالاتهم
ازاى
_ بتطبيق لائحة جملات وهى
انتقال اللاعب من نادى محلى لآخر محلى مقابل 5000ج
طب والمحترفين؟
, المحترفين الحقيقيين هم الأطباء
أى طبيب يروح يخدم فى منطقة نائية ياخد نصف مليون سنوياً ولا هو حلو للاعيبة بس!
طب والجمهور هتعملى معاه إيه
جمهور الكوره فى عصر جملات هتحكى بيه الأجيال
فهمينى ازاى هتحليها
اولا مفيش شرطة تدخل الإستاد كفاية شايلين الأمن على أكتافهم نريحهم شوية
أنا هجيب شركات أمن نسائية
أمن نسائى،والله فكرة تستحق الدراسة
وصدقنى يا مرزوق مش هيحصل مشاكل ،هتلاقى الرجاله كلها كيوت ،واساميهم بقت مهند!
وهتجيبى جمهور ازاى يا فالحه
انت عارف الجمهور فى الكفر يا مرزوق ،أول ما يشم ريحة الكراتين هتيجى جرى،كل مشجع يصرف له كرتونة مواد غذائية نظير الظهور بشكل حضاري
لكن انسى الملايين اللى بياخدوها اللاعيبة ،عصر جملات الوضع لازم يتغير
فعلا لازم كل حاجه تتغير
وهو واحد بس اللى يستحق ملايين الدنيا،لانه راجل خيّر
مين ده يا جملات
نو صلاح !!
التعليقات مغلقة.