خد وهات بقلم الشاعر جمال زكي عينر
خد معايا مرة وادي
ده الحنان بيزيد في ودي
لو عاهدتك ع المحبه
حتلاقيني عند عهدي
خد وهات ولقلبي حن
م السكات انا راح اتجن
نفسي مرة تحس بيا
نفسي ما تصدقش الظن
لو سقيتني من حنانك
لو تعيشني ف امانك
راح يهون الكل عندي
لو حابيع الكون عشانك
خد عيوني وهات محبه
حتلاقينا حبه حبه
نوصل المسافات ما بيننا
نوصل الشوق بالمحبه
خد وهات اوعى تراهني
إن غيري اولى مني
ده انت لو جربت حبي
مستحيل تستغنى عني
خد وهات واشرب ف كاسي
انسى همك والمآسي
مهما حتتوه في البحور
مركبك على شطي راسي
بقلمي الشاعر جمال زكي عينر
التعليقات مغلقة.