ملاهى باص بقلم راحيل أبوزيد
لكل عاشقى المغامرات ومحبى الملاهى.
كلنا بنحب الملاهى , لكن مش كلنا بنروح
دايما بسبب الوقت، والتكلفة.
طب إيه رأيك فى ملاهى رخيصة وممكن
تروحها كل يوم من غير م تضيع وقت
أيوووووووووووووووووووووووووون
كل اللى بيركبوا ميكروباصات
( حدائق _ السابع ) أو( السيدة عائشة_ المقطم )
( على سبيل المثال لا الحصر ) بيعملوا كده.
صدقنى مش هتحس إنك فى ميكروباص آااااااااااابسلوتلى خالص.
إنت هتكون فى مرجيحة وفجأة هتركب
المقص وهتعيش مغامرة السجادة
لما تلاقى نفسك فجأة مكان اللى جمبك
( أو قاعد على رجله) انت وحظك بقى.
وقلبك هيقع فى رجليك وانت بتتزحلق من على
أى كوبرى ومش قادر تفهم ليه وإزاى الميكروباص
ما اتقلبش؟
حقا ( وله فى خلقه شؤون ).
ده غير التطور اللغوى الجامد والمفردات الجديدة اللى هتتعلمها من كتر ما بتسمع
-السب والشتيمة- والهزار العجيب واللى بيكون بس وحصريا عند سواقين الميكروباصات.
ومش بس كده:-
لو انت من سعداء الحظ هتاخد لقب مرحوم أو تصبح من ذوى العاهات.
لو السواق بتاعك ربنا وفقه ولبس فى أى حاجة أو وقع من على كوبرى بسبب طموحه الكبير فى انه يتسجل فى موسوعة/
( مين هنا أجمد منى بسوق وانا مغمض عينى )
يارب يكون الإقتراح عجبكم ولو حد يعرف مكان ملاهى تانيةمن نفس النوع ياريت يحكلنا عنها علشان نجرب ونملا المشرحه
قصدي نستمتع كلنا
بس خلصت كلام
يبقى سلاااااااااااااام
التعليقات مغلقة.