بكتب … محمود راشد
بكتب كلام معسول
واصرخ أنا واقول
يالا اسمعوا مني
يطلع ولد من دول
شعره كشعر الغول
واقف ورا مني
بيقول هتكتب ايه
وتكتب اصلا ليه
ويعيد كده ويزيد
في كلام منش فاهمه
عمال يقول اوكييييه
ومعرفش ابصر ايه
ولبسلي كاب مقلوب
من تحته نظاره
لامس دماغه يا دوب
وفي بقو دا سيجاره
ينظر شمال ويمين
وعيونه محتاره
قولتلوا يابني اسمعني
بتقول كلام يوجعني
الشكل ده بيخدعني
هو انت كده انسان
مخفي في زي شيطان؟
اهدي كده اسمعني
اصل انته واد غلبان
مضحوك عليك بكلام
حفظه ومشف فاهمه
ارجع لدين ربك
ارجع للقرآنك
ارجع لأنجيلك
وبلاش شيطان ياخدك
للشر ويشيلك
بص لأبوك وامك
وأرجع لتقليدك
حافظ علي سيرتك
وهو ده اللي هيفيدك
التعليقات مغلقة.