رضيت…
منصور عبد المقصود
رضيت أغير مسار الفكر والتفكير
عشان أحافظ على صورتك الالوان
فعمدت انسى فلاشى وأرسمك بالليل
خرجتِ صورة باهتة مش زاهية
لقيت حدودك بتجور على حدودى
ورضيتى لى القهرا والناهية
وناديت على شمسك …. رفضت تدفينى
ف ناديت على اسمك … مرضيش يبان الصوت
يللى انكتب حبك …. على نجمة فى الملكوت
ناديت بعلو الأسى … وعملت متمرد
خرج الهتاف م الحلق …. والله بحبك موت
ولقيت جحودى بينقلب نكران
لكل هتاف بيجور على اسمك
أنت اللى عايشة وكلنا لزوال
فعهيش طويل الأمل مزهقش من رسمك
فرعون انا … حارس على بابك
فرعون يموت راسخ على ترابك
زرعت خوفك ف قلبى … وكتمت فىّ الآه
عملت عابر سبيل .. درويش … باقول الله
وخاصمت كل اللحى … وطلقتلك لحيتى
وجعلت ليلك ضحى … ونسيت طريق سكتى
فوصلت للمنتهى … والمنتهى معشوق
وتعبت قلت ارجع .. ملقتش فيكى رجوع
النص عاش بالوجع .. والنص مات م الجوع
منصور عبد المقصود
التعليقات مغلقة.