بنده زعيمنا…
معوض حلمى
أغنية وطنية
……………. ينده زعيمنا ……………
الله اكبر يابلد الله اكبر
الله اكبر ع الولد الله اكبر
هانرد كيد المعتدي ،، وجيوش محاوله
لو ناوي يهدم مسجدي ويبني له دوله
وبلدنا داست ع المحن طول الزمن
وجيشها فيها المؤتمن واسود عتاوله
الله اكبر يابلد الله اكبر
الله اكبر ع الولد الله اكبر
ينده زعيمنا بالمدد يلقانا قومنا
جيوش كتير زايدين عدد ونجافي نومنا
كانت ملاذ للأنبيا ،، جواها عزم الأوليا
لو يعلى صوتها م الخطر هانعادي يومنا
الله اكبر يابلد الله اكبر
الله اكبر ع الولد الله اكبر
إحنا الولاد زي الأسود نحمي العرين
رب العباد هو الودود هو المعين
وترابها حنه وسلسبيل،، لاحمد وحنا
دي بلدنا جنه ،، وادخلوها آمنين
الله اكبر يابلد الله اكبر
الله اكبر ع الولد الله اكبر
وبلدنا غنوه ع الجبين متسطره
والفلاحين زارعينها زرعه مخضره
عاشوا فيها ع الكفاف وقالوا أيوا
وعدوا بيها الف نوا جوا نوا مغبره
الله اكبر يابلد الله اكبر
الله اكبر ع الولد الله اكبر
علمني ابويا أودها واحفظ دروسها
مانا شوفته قبلي حبها وبفاسه باسها
تطرح سنابل ودها والخير يوافي
وقلبه دافي ف حضنها وف حضن ناسها
الله اكبر يابلد الله اكبر
الله اكبر ع الولد الله اكبر
إيجى العدو مغرور قوي وفارش مراح
وعشان غبي فاكر ترابها مستباح
ولما ساح دمه ونزف ودموعه ناحوا
سلم سلاحه لأهلها وقال سماح
الله اكبر يابلد الله اكبر
الله اكبر ع الولد الله اكبر
كان ناوي قال يهدم … أساسها
مانامش يوم ولاعمره ساسها
ليله الطويل ،، مليان عويل
ونهاره ليل ،، من بأس ناسها
الله اكبر يابلد الله اكبر
الله اكبر ع الولد الله اكبر
هانرد كيد المعتدي ،، وجيوش محاوله
لو ناوي يهدم مسجدي ويبني له دوله
وبلدنا داست ع المحن طول الزمن
وجيشها فيها المؤتمن واسود عتاوله
الله اكبر يابلد الله اكبر
الله اكبر ع الولد الله اكبر
…………………………………..
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.