بحبك ودوب بقلم منصور عبد المقصود
فى بسمة عيونك
وتكره عيوني أشوفك حزينة
يا طاهرة وامينة
وفاردة دراعك عشان يحتوينا
يا اجمل سفينة
عبرنا عليها الالم والصعاب
هسوي عشانك يا غالية الهوايل
وأرجع لعينك سنين الضياء
شبابك فى سينا
بيحموا فى ضهرك
وقلة حزينة بتنخر
فى صفك
وصخرك عساكر
ورملك مدافع
عيالك اسود
وكل الحدود
بتكتب بأسم الشهيد اللى مات
متيجي يا قلبي نهد اللى فات
ونكتب تاريخ النضال من جديد
عيالك حديد
وشمسك أصيلة لا يمكن تغيب
هنفرد شراع الامل فوق جبينك
نعطر سنينك
دراعنا يمينك
وعمري
ما يسوى ابتسامة النهار
وقلبي اللي داير يغني لنصرك
فى كل المصاعب
تلاقيه فى صفك
منايا اضيف ابتسامة لوشك
واجني عبير الجناين وارشك
ولا اعرفش اغشك
يا اطهر ما فينا
دموعنا عشانك
بنفرح لحالك
ونضحك اذا شفنا ليكي ابتسامة
يا عالية وقامة
بتحني كتاب التاريخ فوق جبينك
التعليقات مغلقة.