أبا العمده طرفة لزين ممدوح
يا مصيبتى يا مرزوق
إيه اللي عمل في عينك كده ،انت اتخانقت
ابدا يا جملات،من إمتى احنا بنتخانق،طول عمرنا ماشيين جوه الحيط!.
هي مش كانت جنب الحيط؟!
زيادة أمان !
طب مين اللي عمل في عينك كده
أبدا يا ستي،انا كنت ماشي في الشارع لا بيا ولا علي
ولقيت مكان فخم كده محدش بيدخله إلا ناس لابسه
بدل آخر شياكة
ها وبعدين
طلعت في دماغي ،اشتريت بدله ولبستها.
وجيت مقرب منهم اسمع منهم بيقولوا إيه علي الباب
فكل واحد داخل بيقول للأمن (security)أد فلان
و أ د. معناها ايه
أستاذ دكتور يا بت خليك متنوره كده
_ المهم ها وبعدين
المهم كل واحد داخل زى ما قلت لك بيقول
أ.د كذا
أ.د. فلان
جيت داخل أنا كمان وقلت له
أ د. مرزوق !
قال أد إيه مش فاهم؟
يعني أد المسؤولية !
وعينيك بقى ما تشوفي إلا النور
مطر من البونيات نزلت على وشي
وزى ما انت شايفه
وعرفت مكان إيه ده
الجامعه الأمريكية !!
التعليقات مغلقة.