هاتي ايدك ..
جمال زكى عينر
هاتي ايدك وامسكي في ايديا
راح نبتدي مشوار الدنيا
وان ما وصلناش المرة دي
راح نوصل في المرة الجايه
هاتي ايدك اوعى تخافي مني
ده انا منك وانتي اكيد مني
يعني اللي حيرضيكي يرضيني
واللي يضايقك حيزعلني
ايه رأيك لو مرة مشينا
ونفكر كده مع بعضينا
نعمل ايه ف ايامنا الجاية
نرسم على ارضنا خطاوينا
نرسم دنيا ماليها الفرحة
زي عروسة ولابسة الطرحة
نرسم بسمة لكل الناس
نرسم شجرة للخير طارحة
لما تكون الايد في الايد
حنقرب من كل بعيد
وماحدش حيفرق بيننا
نتلاقى من غير مواعيد
هاتي ايدك واضغطي على ايدي
خلي الدم يفور في وريدي
علشان نبضي يحس بنبضك
وحروف اسمك تبقى نشيدي
بقلمي الشاعر جمال زكي عينر
التعليقات مغلقة.