على الحد
سامح لطف الله
على الحد اللي متغرب
رسمتك كون
على الحد اللي متشرق
حلفت لاكون
ومن تحتي ومن فوقي
حدود الكون
ولا سدك ولا حدك هيمنعني
أمد إيديا وتسيطر
على نبعي وترياقي
وجدي عمره كان أشطر
في زرع الخير
ولا يحني ف يوم راسه
لأي مغير
لأنه حر وبفاسه
وأنغاسه
زرعها كتير
ضافر جدي على جبالكم
طابع خربوش
وكان باشا ومتغندر
لابس طربوش
وكنتم لسه ف العشة
وف الأدغال
فطاركو إن طولتوا سحلية
عشاكم نوم
ولا همسة تكون منكم
وإلا هقوم
أرجعكوا الجبال تاني
تلموا الدوم
سامح لطف الله
التعليقات مغلقة.