على فين يا دُنيا وخدانا
بـ قلم أسـمـاء الـبـيـطـار
ناس هايصة و ناس لايصة و دمعة مخنوقة تقطع القلب الحزين .
و طير هاجر و ما عاوز يعود !!
و أرض إتبدلت و ضاعت ملامحها و الناس بقت قشة في مهب الريح .
على فين يا دنيا وخدانا …..
صعبان عليا الولد أبو عينين دبلانيين
اللي بنظرة من عينيه كنا بننسي اللي إحنا فيه
و بنرسم على جبينه أمانينا إللي تاهت من بين إيدينا
في زحمة الدُنيا و جري السنيين
كانت الدُنيا بضحكته تتملي زغاريد
و يرسم على وشوشنا إبتسامة صافية
تملي القلب اللي فاض بيه من تعب الحنين
للنفس اللي كانت أو اللي ضاعت من سنيين .
علي فين يا دنيا وخدانا ووخدااااه !!
دا لسه بيقول يا هادي في مهد الحياة .
و عينه ما بتنزل من عـ السما
بيتمني يهاجر ويا الطير و يضل الطريق .
/ مجرد خاطرة /
التعليقات مغلقة.