رحت وجيت بقلم الشاعر جمال زكي عينر
رحت وجيت انا رحت وجيت
ويا ريتني ما رحتش ولا جيت
رحتلهم وانا فاتح قلبي
رحت اهديهم شوقي وحبي
كنت فاكرهم كل اصحابي
كنت فاكرهم اغلى حبايبي
قفلوا ف وشي بيبان البيت
رحتلهم وانا كلي حنين
شايل ود وحب سنين
طلعوم مش فاكرين انا مين
ولا فاكرين عنوان البيت
رحتلهم وبشوق وحنان
قلت نعيد ايامنا زمان
اتاريني ف طي النسيان
ما خدوش بالهم ان انا جيت
رحتلهم ويا ريتني ما رحت
كنت قعدت ف حالي وارتحت
كنت ما دقتش اي مواجع
ولا كنتش اندم وانا راجع
من كسفتي بتدارى في الحيط
آه يا صحابي وآه يا حبايب
ياللي ماليش في هواكم نايب
ياللي غدرتوا بقلبي وحبي
قلبي من الاحزان بقى دايب
بندم اني عليكوا عديت
رحت وجيت انا رحت وجيت
وياريتني ما رحتش ولا جيت
التعليقات مغلقة.