بيانات شَخصيَّه بقلم أحمد كريم
الإسم الثُّلاثِى
مُسالِم مُسالِم
وأَصلِى غَيور
وإسم المدينَه
متاهَه وبُحُور
مَحَل الإقامَه
مابين السُّطور
ودَمِّى ف وَريدى
يقول انِّى طيِّب
وهادِى وصَبور
وساعة الإهانَه
وجَرح الكرامَه
أنا اغضب واثُور
باكُلها بِدُقَّه
وبَحمِد واصَلِّى
وراضى وشَكُور
وباكتب قصايد
فى حُبِّك يابلَدى
وعُمرِى آلاف السِّنين والشُّهور
التعليقات مغلقة.