أبا العمدة تطبيق التوكتوك بقلم زين ممدوح
اعقل يا مرزوق ورجع جملات، مهما كان دى مراتك مش ممكن ترجع يا عمده،وهي أصلا معملتش حساب لحد
الصلح خير يامزوق،وبعدين هي ارتكبت جناية لما عملت فديو على التوكتوك !،ماهو الكفر كله ياوله بيتمسخر على التوكتوك ليل نهار تيك توك يا عمدة!
أيا كان اسمه هو مسخره بكل المقاييس اديك انت بذات نفسك معجبكش التيك توك
يا ريت تقفله يا عمده وتريحنا منه
اهدى بس يا مرزوق، نقفله دا ايه!،لو كله من عينة جملات ماشي،لكن فيه بلاوي ياوله وفواتح للشهية !
وانا عند رأيي مش هترجع يعني مش هترجع
بس هي على فكره ورتني الفيديو اللي عملته ،عادي يعني فيها ايه لما تقولك، بكلمك مش بترد،بعت لك على الواد ساب !،ما بقتش تحبها! انت بقي مشكلتك إيه يا مرزوق مش بتقولها بميوعه ولا بتتقصع زيهم !
احمد ربنا يا وله ،إن معاك واحده زي جملات ،دي ست بميت راجل وهي كمان زعلانه منك
مني آني؟
أيوة منك انت ، كلمتك ومش بترد
امتي ده
_على الوادساب !!
التعليقات مغلقة.