أغنية يام البلاد بقلم الفلاح الفصيح معوض حلمي منشأة بطاش
تمي الأمديد دقهلية
يالا انهضي يام البلاد
شدي حيل الشقيانين
نادي حي على الجهاد
هاتلاقينا نقول آمين
العدو ع الشط واقف
والكلاب … الخوانين
مصرنا عايزه المواقف
والولاد ….. المؤمنين
قالها ريسنا الهمام
سرت والجفره الحدود
خط أحمر دا التزام
للتراكوه …… والقرود
يالا بينا ياجماعه
نزرع والإيمان دليل
يالا بينا نقوم جماعه
نحمي نيلها السلسبيل
دا السنابل ع العيدان
محتاجين حس المراوي
والطيور ع السيسبان
يعلى صوتها بالغناوي
يالا انهضي يام البلاد
شدي حيل الشقيانين
نادي حي على الجهاد
هاتلاقينا نقول آمين
وتلاقينا عزم ليكي
شيلنا ف إيدينا السلاح
ع اللي ناوي يهد فيكي
يبقى دمه مستباح
عشان عيونك راح نكبر
زلزال بينده ع الولاد
هايردوا بيها الله اكبر
صاحيين تملي ع الزناد
تلقانا واحد في المحن
وأسود ………. تنادي
هانحمي أركان الوطن
من أي عادي
مصر دي أحلي الأسامي
حروفها تعزف دندنه
حبها في القلب سامي
طارح ف روحنا سوسنه
يالا انهضي يام البلاد
شدي حيل الشقيانين
نادي حي على الجهاد
هاتلاقينا نقول آمين
التعليقات مغلقة.