اشوف الودَع بقلم أبو شمس سالم
أشوف الودَع وابيّن زين.
وافسر كل حكاوي العين.
قرب مني تعالي احكيلي.
وارمي بياضك هنا ياحسين.
تعالي وفضفض عندي ياولدي.
شكلك شايل همّ سنين.
ارمي بياضك واسمع مني.
كل صحابك كانو خاينين.
إياك تندم ع اللي باعوك.
دول ملاعين زي التعابين.
واللي قالولك احنا صحابك.
طلعوا ياولدي في يوم شياطين.
كل كلامهم كذب في كذب.
يبيعو الودّ بدون براهين.
لمايشوفك شوقه يزيد.
وياخدك حضن بشوق وحنين
وبعد ما تبعد عنه ياولدي
يقطَّع فيك زي السكاكين.
حتى حبيبتك غدرت بيك.
وبعد غيابها عِشت حزين.
عِشت معاها حب وعشق.
لمّا كانو هنا ساكنين.
ولمّا تقولي عرفت منين .هرد
واقولك : بياضك هنا ياحسين.
ارمي بياضك واسمع مني.
علشان تعرفنا عايشين فين؟
قولي بسرعه الله يخليكي.
فين القيها دي نور العين.؟!
عارف نَزْلِة كوبري القُبه.
بعد الداخله التانيه يمين.!!
خايف كل دا يطلع وهم
قولي عرفتي دا كله منين؟!
هقولك شئ علشان تتأكد
اسم حبيبتك ورد الياسمين
:شعر عاميه"
التعليقات مغلقة.