حلم و خيال
آمال محمود
ايوَه كان قلبي عاشق لِهواك
وكانت روحي فيتاني وهيمة بسماك
ومفيش في الدنيا حَد حبك قدي
ومن كثر شوقي،احط ايدي ع خَدي
اعمِل ايه من قَسوة قَلبك
و اقول ايه، غير يانا ياغُلبي
صِبرت كثير على قد مابقدر
لا انت حاسس بيا و لا بِتقَد
أنا على البُعدَ دة، لا يُمكِن هقدر
تعالى صارحني، كلمني من غير ما اتفكر
قلبي كِرهتُه و معاه الشوق و الحنية
خلاص بقا ابعد ، مبقاش فيا
علشانك ضَحيت بكل اهلي و ناسي
دلوقتي بتقولي:مين انتِ؟!!،بقيت ناسي
خلاص يا جرح قلبي،بقيت دلوقتي ناسيني
ونسيت حبي ليك و دموع عيني
وكأن الجرح دة مُش جرحك
وكأني مكنتش في يوم فَرحَك
دنا من عِندَك و قسوة قلبك
بقيت بتمنى انسى ،حتى ملامحك
يا خسارة حبي ليك و حَنيني
يا خسارة أيام عدت و ضياع سنيني
كفاية كده، واسمعني يا قلبي
مبقتشِ قادرة اداري ولا اخبي
صحيح حبيتك و اتمنيت انورلك بيتك
مبقاش بقلبي حنية من قسوِتَك عليا
كفاية خلاص بقا،يا دُموع عنيا
هَمَوِت بايدي، كل آهاتي و تنهيدي
واسجن بنفسي،الحُب اللي كان مُنيةَ نفسِي
واعتبرهُ خيال و حٍلم جميل عِشتُه
خلاص صحيت وِفُقت من الأحلام
على دُنيا،كُلها كِذب و خِداع و خِصام
وَداع يا دُنيا الحُب وِ الفَرح و الغَرام
واهلا يا قَلبي بيك، في مَقبَرِة الأحلام بقلم
Ammal mahmud 2/7/2020
التعليقات مغلقة.