غربة وطن بقلم أبو شمس سالم
أنا الغريب فيك ياوطن
غريق في بحر دموع حزين
في الغربه نمت على التراب
وشربت مُرّ هناك سنين
عشت ضعف وكسر نفس
وشفت كل ذليل مُهين.
الكفاح كان ليل نهار.
علشان ولادي المحرومين.
قلت اضحي بنفسي ليهم.
وادوس على وجع الحنين.
عشت فيها سنين طويله.
قتيل وعايش دور سجين.
مطحون في شغلي ليل نهار.
وفي وسط راسي الف عين !
آآه يابلدي والف آآه.
تهت منك انتي فين.
جوايه حق نفسي اقوله.
الشمال خلَّوه يمين ؟
ولو تعارض أو تكابر.
يوصفوك بألف خاين مش آمين.
خلقي فاض وقلت بس.
لحد ايمته تعيش رهين ؟!
يابلدي حبك في الوريد.
مرسوم بدمي على الجبين.
راجع ولسه في المطار !
قلت آآه مني وآآهين ؟!
وعيني سالت بالدموع !
لمّا شفت المطحونين.
ست قاعدة على اليمين.
(لله) تقول يامُحسنين !؟
وشفت طفل هناك بعيد
عاجز يقول انا مسكين ؟!
جرالك ايه بابلدي قولي؟!
فين وعود المسؤلين ؟!!
التعليقات مغلقة.