قصيدة/ اسألوا يوسف يقول
بقلم الشاعر المصري احمد ابراهيم النجار
لما ينطق الكبار
في الحضارة
والريادة
والارادة
والسيادة
تبقي مصر
كل واحد م الصغار
يفتح التاريخ يشوف
اللي باني واللي علم
واللي نور ف العقول
اللي حامي واللي باني
والتكيه لدول ودول
احنا شعب في الكرامه
والأصالة والتاريخ
واسألوا الفاروق هيحكي
واسألوا يوسف يقول
احنا اكبر شعب
حافظ ع المبادئ
واللي ضحي بالجنود
وسط موت
كله يسكت والكبيرة
تقول بصوت
واللي فاكر انه قادر
بالدراهم بالدولار
او بيحلم انه اكبر
لسه حابي
لسه عوده اخضر مالوش
اي قوة وبختصار
مصر مصر اللي هزمت التتار
مصر مصر اللي عاشت
فوق تاريخ بالحضارة وانتصار
واللي فاكر
اني دوره ف يوم كبير
الكبير مش بالدولار
او بتابع له بجان
اللي دارس ف التاريخ
والتاريخ اكبر دليل
شعب حطم حصن مانع بانتصار
في ساعات والصهاينه برعب ماتوا
لما داس بالبيادة
فوق رؤوس الملعونين
مصر مصر هي مصر
اللي ربة واللي شربت
واللي ضحت
واللي عاشت بانتصار
واللي عايش بالكرامه
والأصالة والتاريخ
شعب مصر ايوة مصر
واسألوا الفاروق هيحكي
واسألوا يوسف يقول وتحيا مصر
بقلم الشاعر المصري أحمد إبراهيم النجار
التعليقات مغلقة.