آخر قصيدة بتتكتب بقلم شيماء عادل
اخر قصيده بتتكتب
ف ضلمة الأرواح
رغم النهار والشمس طالعه
العتمة ليه فارده جناحين
الاشتياق دمر روحين
والنور ظلمناه بالصباح
الضلمه جوه الروح بتتشطر
بتفرد نفسها سِنه
وتفرش جوه الروح حصيره
تتمدد بفعل الجرح جوانا
يا روح للحب عطشانه
هنتداري قصاد الخلق
بالافراح
و نتراهن
على اخر قصيده حب
ميزانها يطب بالمقلوب
وتسحب مننا ف لحظه
وما تردش ف يوم لينا
خطاوينا بتسبقنا
ونتعشم
نلم بواقي روح ماتت
هترجع يوم وهتلاقي
بواقي روح بتتفتت
بتطفح مر ف عنينا
بتسأل مين كسر روحنا
وسابها على البيبان تشحت
بواقي عطف حكاياتنا
تجيب اكبر عدد معلش
ولو بالغش
تلم سنين حواليها
تبوح ليهم باسرارها
تداري ف كمها مرارها
وتداري
وتعشق كل شي كداب
تشم من عفن روحهم
تقول ورد
نفاق باهت
ف صوره ود
باب الروح ماعادش يبوح
فمتظنش هيفتح يوم
لو ساب الامل مجروح
ما كانش صاب الروح هموم
فمتظنش غريق يرجع
بتغربل ف موج عمرك
يشر ف خلق متصابه
بتتعشم تداويهم
تكب الفرح ف ايديهم
تلاقي ان العشم ميت بقاله سنين
بتتقرب وبتحاول
تداوي من الجراح قلبك
تزيد غلبك
يسيبو العمر شرقان دم
وعارفين ان هما اهم
يفرقونا بدون مواعيد
التعليقات مغلقة.