عودة لأحبابي بعد الحظر
…. ياباني للجنه ….
……………………….
يامبتدا ……. فجري
يامنتهى …… قبري
تايه انا ورحال
مابين براح الحال
والضيقه والأوحال
على لقمتي باجري …
ياسلسبيل … البوح
ليه ارتضيت النوح
قرينا في التنزيل
وكتبنا في المواويل
إن الخيانه عويل
بيهين ورود الدوح …
يامدققه … الإبصار
الخسه ليل ونهار
بينا وليها سوق
عهد الشيطان موثوق
بيسوق عبيده سوق
ويضلل … الأشرار …
ياعم …….. يابنا
ياباني …… للجنه
النيه …… للتوبه
والدنيا ….. معطوبه
بص لنا لو نوبه
دا بصتك حنه …
زادوا الحرس نوحي
قافلين بيبان بوحي
كل السكك قافله
كل القلوب غافله
عاملين 200 حفله
والرقص على روحي …
يامقللين … شوفي
يامكترين .. خوفي
أنا ماشي ع النيه
حب الحلال غيه
وباني له بنيه
واعزف له بدفوفي …
يازارعين …. النور
ياحلمنا …. المبدور
عايشين سنين التيه
دوانا فين نلاقيه
والجرح مين يداويه
ودمنا … المهدور …
ياعمنا ….. العارف
صفصافنا كان وارف
م الغل ….. قطعناه
والضل …. ضيعناه
عايشين ف حر الأه
وسيلها جاي جارف …
………………………
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.