سؤالك جزء م القصه
شيماء عادل
وقالو القصه ليه ماتت
بقالها سنين
بتتقرب وبتحاول
تكون واحد من الخاينين
سنين دابت كدفتر باش من الميه
و مرسومه ع قلوبنا
حفرنا بصبرنا عيبنا
وقالو عننا صابرين
نكتب م الوجع قصة
يقولو عننا مجانين
بنشعر بالوجع لحظه
تبَـور ارض بالفدادين
سؤالك جزء م القصه
وعمر القصه ما اكتملت
بنبحث فيها عن روحنا
نلاقي الروح خلاص هربت
سنين بتموت وتنسانا
ذنوبها عايشه ويانا
مكان ما نروح
بنسجد ف الصلاه ونبوح
باسرارنا
بنتمني
نغير كل اقدارنا
سنين ويانا بتعافر
وراضي بقدري مش كافر
سنين برسم بكفي خضار
يلم الكون
لقيت الكون ما بيساعنيش
خضار لونها ما بينجيش
سنين ألوانها مش ثابته
وايد والايد ماهيش ماسكه
نعجز واحنا رافضينها
ونسيانا
ونعمل فيها ناسيينها
بنعشق خنقة الماضي
ونرمي الحمل على الايام
وقلبي فاق مهوش راضي
يضل أسير
يتيم قلبي
وبيصدق
بنحت م الفضا الوان
ورافض كل لون منها
تعبت وشاخت الافكار
وقلبي اللي اتسجن فكره
مالوش عنوان
بهرب من حواديتها
بكام كلمه
وكلمه ف كلمه تكسرها
مدام اللون ماهوش عاجب
وايه عاجب
يا قلب مطاطي لكلامهم
واوزانهم ماهيش طبة
وللعدل ماهيش حابه
وبنخاطر
ندوس على عمرنا ونمشي
ونسكت لجل ما نوافق
بنرسم من هموم روحنا
شجر اخضر
يغير لون ليالينا
ونلقى الكون حوالينا
بيرفض الشجر يخضر
يموت الحُر
وانا رافض اكون مسجون
بحاور نفسي يوميا
بقول جايز الاقي حلول
الاقي العمر بيعدي
ولسه الكون مازال ف سكون
شيماء عادل
التعليقات مغلقة.