ساعات عدت بقلم شيماء عادل

ساعات عدت
وبتقعد على جنب تفكر
ف ساعات عدت
بتلاقي رصيدها من الفرحه
مش اقول معدوم
لكن بتلاقي الناس رافضه
فرحك على طول
نبدأ من وقت الضحكه العاليه
اللي ملانه فرح الايام
وشباب للضحكه واخدها ف قلبه بالاحضان
رفضوها تكون ضمن الأصحاب
سجنوها وكأنها ارهاب
بيحاربه الكل
الكل مصمم يقتلها
واقفه وبتجرب تصمد لجل تعيش وتفوز
والفوز رافض ييجي ناحيتها
مدت ايدها
حبت تتصالح مع روحها
تمضي معاهده و تعيش ف سلام
وسلامكم مليان دخان
بيعمي الكل
عدينا وقلنا مسير الايام هتعدي
واهو عدي العمر
وما سابش من الايام
غير شعر ابيض
تجاعيد الحزن على بياضه
بتورينا ظلم الايام
واهو عدي العمر وفضلاته
صبحت اوهام
وبتعمينا
ما انا ضحكه وباشت م الايام
ما انا جته وروح
والروح لو صابها الحزن ف يوم
بتموت