تنبؤات المعركة متفبركة
شيماء عادل
بحاول اكون أسير للمعركة
واخسر جنودي كلهم
وارمي الساعات اللي بتجمعنا
واكسر بيبان الحرب
غشيم قلبك يودعني
يسيبني من غير قلب
تنبؤات المعركة
متفبركة
مبروك عليك حصار قلبي
اللي متغمي
بواقي العمر بتعافر
تكونلك بيت
تكون وقت الوجع حضنك
بتكسرها
بيحلي العمر بمرارها
تمل الصحبة ف وجودي
تبيع كل الامان منك
رهنت عليك مع قلبي
خسرت الكل
مسكت بحب كل الباقي من ودك
لقيت قلبك
قمر زايف ينور بس ف الصحرا
انسى اللي فارق من غير استأذان
داقه الدموع من كسرت اللهفة
جعلوك تعيش العمر
للقا عطشان
قطع كاسات الفرح
وارميها ويا الريح
شوف كام عروسة بحر
موتها فيا
دخان جحودك فرق
عماني من على بُعد
شَمْتْ صبايا الحور
غرقني ف الميه
سنيت عيدان الفرح
قويت علي ايدك
طببتني م الجرح
موتني بايدك
مسكت بحب كل الباقي من ودك
لقيتك نور ف زنزانه
لقلب سجين
خسرت الحرب
وخسرت الرهان
وانت
ما زلت سجين
شيماء عادل
التعليقات مغلقة.