شط افكاري ..
شيماء عادل
سندت العجز بايديا
بلون حب الحياة عديت
رمشت بنص عمري
رميت كل الألم
ونسيت
سرحت ف شط افكاري
كبرت
قبل عمري اللي مستنيه
حَنِيت ضهري لافكاري
قفلت الباب على سري
رفضت الكون
يكون ضلي
رضيت
سندت العجز بايديا
وْهَديت الوجع فتافيت
وقفت بعمري وحديا
وف الآخر انا اتهديت
لعبت بعمري جوايا
وكنت ال كورة ف الملعب
وكان الصبر اكبر لعنة
ع المخاليق
ووقت الضيق
يفر العمر من ايدك
رصيدك كان وجع صابر
ما قالش الآه
وضعت ف زحمة الافكار
وبروزت الامل ف كتاب
حصرتنا بواقي الضلمة جوانا
وشاب العمر
وشابت دمعتي معايا
شيماء عادل
التعليقات مغلقة.