مش هي الاصل
شيماء عادل
ليه بترسم من نفسك صوره
مش هي الاصل
بتبين فيها ملامح حد كبير ف السن
وكأنك شخت
بالرغم السن مش هو السن
الريشه بتكدب
الرسمه بتكبر فيك
ليه عايز تظهر وكانك
بركان جبروت
قلبك ميت
وتملي بتظهر ف الصوره
فوق الستين
مش دي صورتك
ولا قلبك مات
لساك بتحس
لساك عايش
لساك وكأنك واد طايش
بتداري ع مين
الضحكه بشوفها بتداري
سنك لسه ف العشرين
شيماء عادل
شكرا جدااا للأستاذه سلمي فريد
و الاستاذه ريهان القمري على مجهودهم العظيم
وأدام الله عطاءهم