انا اللي قلبي انجرح بقلم الشاعر جمال زكي عينر
انا اللى قلبى انجرح
وجرحه ماله زى
لا عمرى شفت الفرح
ولا عيني شافت ضى
شفت الضنا الوان
من اعز احبابى
خبيت آلامى ف ضلوعى
ولا قلت مرة أى
انا اللى ياما مليت
بالدمع كاساتى
الحزن كان لى صديق
والهم ليلاتى
قدري عليا انكتب
منه راح اهرب فين
لا عندي لوم ولا عتب
سلمت راياتى
حبيبي سابني وفاتني
للحيرة والآهات
والهم بايت في حضني
بدمعي باصبح وابات
ياللي انت همك تقيل
تعالى هنا يمي
راح اخف عنك واشيل
همك على همي
الهم مني اشتكى
بدال ما اشتكي منه
قال راح سبقني وبكى
مالوا اليه وحنوا
لاموا عليا العوازل
وصدقوا الجاني
حتى صديق الهموم
راح عني ولا جاني
يآرب يا ستار
هون عليا الحال
احمينى واستر طريقى
واهديني راحة البال
انت اللى ليا ياربى
فى الدنيا ضهر وسند
ارزقنى حسن الختام
واحفظني م الأهوال
التعليقات مغلقة.