وبقيت بشوفك بين حلمي وحقيقتي بقلم شيماء عادل
وبقيت بشوفك بين حلمي وحقيقتي
كدبة تحاول تحطيم بواقي العمر جوايا
بتعيش ف دور مش ليك
وتسم عيشتي بفراقنا مجاني
طب كنت خلي السم منزوع الوجع
قلبي اللي ما اتعلمش
ولا خد مسكن ضد وجع الروح
وبقيت بشوفك بين حلمي وحقيقتي
صبار يمرر حلق ايامي
قسما بربي هنسي ايامك
كانك مطره غرقت روحي
والشمس طلعت نجتني من تاني
كل الخيوط بتوصلك للزيف
نفس المكان
نفس الحكايه
قلب بيعاني
كل الألم بيضمنا ف لحظه عتاب
من غير حساب
خرجتني م الجنه
الضحكة كانت ليا نبض وروح
الكل ساب
والكل فاكر نفسه متهني
وانا قلبي رافض حتى انه يبوح
شتت قلبي بالوجع حبة
عريت معالم فيا كاره البوح
التعليقات مغلقة.