” ليه الشعر بتخونيه ” بقلم هيثم الشاعر
يرحم الليل اللي حبك
وبقساوه بتجرحيه
يرحم الحضن اللي ضمك
وبنار خداعك تقتليه
يرحم الزرع اللي نبت
بين كفوفنا بتحرقيه
ليه سنين القرب منك
فجأة قلبي بتنكريه
اتعاهدنا الليل يداوي
ليه اللهيب بتزيدي فيه
ليه دروب الحب وقفت
والخطاوي صعبه ليه
والسنين كالسهم فايت
بين ضلوع هيمانه بيه
يرحم الحرف اللي وصفك
وانتي هايمه بين ايديه
ماتقوليلي يابنت قلبي
ليه الشِعر بتخونيه
التعليقات مغلقة.