بديهيات
أسـمـاء الـبـيـطـار
بعد أول خلاف .
هتعرف الأصيل من اللي ماعندوش أصل
بعد أول خلاف حقيقي ، بتسقط الأقنعة ، و ساعات بتبقى في حالة
ذهول إن كمية السواد دي تحتها !
و كتير بتبقى مش مصدق إن في حد لابس قناع واحد
” وشه الحقيقي ” يعني موجودين لكن وجودهم نادر .
بعد اول مشكلة حقيقية .
هتعرف الكبير من الصُغير، لكن السن مش شرط .
بعد كذا تجربة و كام مُعاملة .
هتعرف الكذاب من الصادق ، هتعرف مين بيتكلم فض مجالس
و مين كلامه فعل حقيقي مهما كلفه الأمر
و بعد أول واقعة ستحتاج فيها إلى سند
من لم يمد لك يده ” فوراً ” لن يمدها أبداً .
و من يكسرك من خلفك ، سيكسرك من امامك بكل برود .
بعد ما هتعرف اللي قدامك على حقيقته .
هتبعد تلقائي .
مش بُعد جفاء ، لكن بُعد للحفاظ على ما تبقى من ود و كرامة
و هيكون نضجك حقيقي، لما تبتدي
تسمع بعقلك .
تشوف بعقلك .
تحكم بعقلك .
في المعاملات ” الإنسانية “
١ + ١ = ٢
لكن لو حاولت تبقى كريم ، هتدفع من عقلك ، و قلبك ، و صحتك، و روحك الفرق .
لو عُمرك بيزيد و عقلك محلك سر !
يبقى ما كبرتش يوم واحد
حكم عقلك ترتاح .
التعليقات مغلقة.