حقي بقلم منصور عبد المقصود
في هدمة للعيال
متكونش دايبة مرقعة
ويخرج أمام العارفين م الصومعة
يعيش كما الخلق الحزين
واقعد مع حامل لواء المؤمنين
والامرين الناس بزهد
يا عم ليه الزهد عاش صاحبي انا ؟؟
وليه انكسار الضهر عنوان الصلاح ؟؟
وانا كل ما اعمل ذنب يوجعني اتوب
واغسل ف توبي واتجه نحو الصلاة
وانا اكبر ذنب في ذنوبي الامل
يا رب اسف اني كتير حلمت
أن البشر ع الارض إخوة سواسية
سرقوا الفرح من كل حدب وصوب
وانا اللى مقسوملي الهموم طواعية
يارب سامحني على سوء الأدب
وارحمني من تني الجباه المفتعل
الكل راضي يعيشها مفعول به
وبيتهموني اني الوحيد اللي فعل
التعليقات مغلقة.