حكاوي سمسمة ” نقول كلمتين ” بـ قلمً أسـمـاء الـبـيـطـار
الصدام الحقيقي بينك و بين أي شخص
ملوش علاقة بأصل تربيك أو نشأتك ، طالما كبرت و بلغت ، و بقى ليك شخصيتك المستقلة .
اللي من خلالها ممكن أي حد ياخد فكرة مبدئية عنك كإنسان .
لأن عوامل التأثير فينا كبشر كثيرة جداً ، أول هذه العوامل و لا شك في ذلك المنزل ، ثم بعد ذلك المدرسة ، و الأصدقاء ، و مجال العمل ، و دائرة الأقارب و المعارف و حتى الجيران .
بقول الكلام دا ليه ؟!
علشان ما نظلمش ناس تعبوا في تربيتنا ، ما فيش حد بيربي أولاده
” إذا كان حقاً يتقي الله ” على خطأ ، أو قطيعة ، أو إسلوب فظ في التعامل مع أي إنسان أخر .
و إن كانت النشأة الأولى عليها عامل مهم
إلا إنه عندي إعتقاد راسخ إن كل إنسان له دور في ” تربية نفسه “
في مرحلة ما من عمره .
نعم الإنسان منا يُربي نفسه ، و يؤدبها ، و يُعلمها ، و يُعاقبها ، و يرسم لها حدود في التعامل ، و يرسم حدود لنفسه مع نفسه في خلوته و غير خلوته .
و كل الأمور دي هتوضح طبيعة شخصيتك أنت و ليس شخصية عفواً من رباك
بتبين اللي جواك كـ بني آدم صاحب عقلية مستقلة
يعني كل واحد مسئول عن أفعاله .
ما حدش يعمل فيك حاجة و تروح بعقلك تعاقب و تحاسب حد تاني حتى لو أقرب الأقربين .
إنت مش بتتعامل مع حد معاه شهادة معاملة أطفال !
إنت بتتعامل إنسان بكل ما يحمل الإسم من إستقلال .
و إلا أصبح كلاً منا يفعل ما يشاء ما دام هناك من يُعَاقب بدلاً عنه !!
و إلى لقاء أخر مع حكاوي سمسمة ..
التعليقات مغلقة.