مين اللي مات بـ قلم أسـمـاء الـبـيـطـار
مين اللي مات ؟
أنا و لّا إنت ، و لّا كل اللي ما بينا طيب فين الذكريات ؟!
المُرة قبل الحلوة ، اللي بيها عدينا حاجات و حاجات ؟!
و لّا إنت خلاص قررت تنسى كل اللي فات ؟!
عاوز تروح لوحدة تانية !!
طيب و ماله ، هي مُجرد لحظة حلوة ، لكن أنا عُمر بحاله.
معقول بالسهولة دي تنسااااه !!
فاكر لما قَدرنا أتأخر حبتين !
كنت أمك ، كنت بنتك ، كنت روح جوه منك
كل دا كان سراااب و خيالي سَرح حبتين !
كنت عارفة إنك أناااني ، لكن كنت بكدب حالي !
لكن أعمل إيه ف روحي اللي كانت بيك متعلقه .
أيوه كانت .
هو إنت كنت فاكر إني هفضل فيك ” متشعلقة ” !!
دا أنا يا دووب اللي فاضل فيا شوية حاجات ….
شيلاهم للي فاضل مني و منك، و اللي فضلت سنين مستنياه .
اللي هو روح جوه روحي متعلقه .
و قلب تاني جوه قلبي و ضلوعي ضماهم عليه .
دا كفاية عليا نظرة من عنيه ، بتقولي إنتِ اللي ليا في الدُنيا ديا .
لكن ..
أوعى ف يوم تييجي تسأل عليا بعد اللي كان .
عرفت دلوقتي مين اللي مات .
التعليقات مغلقة.