اللي باعنا …سامح لطف الله
اللي باعنا باع حياته
فات رضانا وزاد اهاته
اللي باعنا خد خازوق
ويا غيرنا شاف فروق
اللي باعنا نومه طار
باع هدوءه وليله نار
اللي باعنا باع متاعنا
باع حياته يوم وداعنا
فاكر انه خلاص وجعنا
وبدل الافراح دموعنا
اللي باعنا باع ضميره
ظن كونا مافي غيره
شوف فرحنا وشوف مصيره
دنيا احلى بدون شخيره
اللي باعنا ميزانه فالت
كل تاني اكيد له تالت
والدموع ع الخد قالت
كفته الخسرانة مالت
اللي باعنا باع رخيص
باع غالينا بالرخيص
حط نفسه ف لوم عويص
عينه غامت ابعتوله القميص
اللي باعنا عليه نسمي
حللوا دمه ودمي
الكرات السودة دمه
والكرات البيضة دمي
اللي باعنا بالسلامة
خد معاه قسوة وندامة
واندفن وياه كرامة
روحنا ردت بالسلامة
سامح لطف الله
التعليقات مغلقة.