بتخيلني … بقلم شيماء عادل
بتخيلني بدون مواعيد
خدت اجازه
أصبح فرحي كأني ف عيد
جوه الصور بتشد بفرحه
تملي الكون
نص العمر كان مجنون
بيشر خطاوي بحب الناس
بيلم الفرح يملي أكياس
بيعيش بيشخبط على قلبه
يرسم ف ورود
يتمنى نص العمر المجنون
لحظه يعود
والنص التاني أصبح عاقل
بدون مواعيد
ولا حتى مبرر
العقل اهو موت احساس الفرحه المجنونه ف نص اليل
عطش كل اراضي الحب
صبحت بايره
ما عادتش بتزرع ولا تحصد
نص المحصول
اهو كل الكون أصبح عاقل
والنص المجنون من عمري
بتمنى يعود
لو اطبق حبة هوا مجنونه
واطير بيها لأبعد مسافات
لو كل العمر يدوب فجأه
وانساني هناك
يا رسمني ف قلبك بيت وحيطان
اهو فجأه اتهد
مبسوط وف ضل الريح ماشي
والريح بيهد
لكن صابر
على أمل العمر المجنون
يرجع ويشد
التعليقات مغلقة.