جوه قلب الشوف بقلم شيماء عادل
صبيت عيوني ف قلبك
لجل اشوف مين فيه
الدنيا نص اللقا
والجنة تبقالي
دقيت بيبان الهوا
حلفت ما فتحالي
اول طريق الجنه
مفروش بلون قلبك
صبيت عيوني جوه قلب الشوف
دابت من الافراح
خَيِط كاس الهوا
من كتر شرب الفرح
سكرت من شوفك
قَلَب الوجع للفرح
اول خطاوي فرحتي منك
الضحكه دي لسنك
متوفره بمقاسات
كل اللي رفضو الصبر ويايا
ضلو الطريق للجنه وبمسافات
قطر الهوا لو فات
قلبك ماهوش خسران
عشقت طيف الهوا
والجرح كان حارس
ولقلبي بيسايس
لما اندفنت معاه
سايست طيف الخيال
روضته على يدي
سكنته جوه العين
وبنيتله بيت جنبي
عيشت نفسي ويا سحر الليل
كان ضلي سارح بالغنا مواويل
كان قلبي فارش عتمته بورود
كل صبري اني ابقى معاك
صبيت عيوني جوه قلب الشوف
ما لقيتش غير طيف ع الخيال ملهوف
التعليقات مغلقة.