يا موت العمر مش جاهز …بقلم شيماء عادل
وفجأه العمر اللي مستنيه
عشان ارتاح
يبوح ف السر
ما تستنى الفَرَح يخْبَط
علي الابواب
يا تبقى قويه وتعيشي
يا تبقى والمرض اصحاب
يدق الباب
يا موت العمر مش جاهز
دا لسه فرحه ما كملشي
انا همشي
انا عاجز اكون للدنيا دي صاحب
انا مصاحب
لحلم من الحياة مرفوض
يا دنيا الصبر آخره الدود
بينهش جوه عمري الحي
وراسم جوه قلبي الضي
بيطفي ليه بدون مواعيد
انا صاحي بحلم جديد
وبسرق م الحياة فتافيت
بلاقي الجاي متسرطن
بياكل فيا كل جديد
انا ساند كما الميه
ف جوف الخلق لو تزور
انا بقطع خلايا الروح
انا ف السر لسه ببوح
بَعَجِز كل خلق الله
وبظهر يوم طلوع الروح
التعليقات مغلقة.