مكالمه ذات وجع
بقلم شيماء عادل
الو
الو
مين
انا
ايوه طيب مين معايا
انا اللي كنت
كنت جزء م البداية
وأما جينا نفترق
كانت نهاية الحكاية
الدموع ما كانتش كدبة
واللا تمثيل م العيون
بحر نازف
ايد بترعش
قلب خايف
عمر متغمس هموم
افتكرت واللا اكمل
البدايه ضحكه حلوه
نظره فرحانه وغنوه
حلم مرسوم ورد جوري
أحلمي وانا عند قولي
عدي يومي
والكلام بيزيد ما بينا
الحياة بتزيد ف نورها
عمر مرسوم بالامل
كل شي بقى له حساب
حزني ما احسبلوش حساب
والقدر يعند ف لحظه
كل شي أصبح سراب
قلب مخلوق للعذاب
الفراق اسلوب حياة
انا
انت ايه
لسه مش فاكر
واللا بتحاول تماطل
مين اللي كان قايل زمان
مش كل قلبين حبه بعض
شرط يبقو ف يوم سوا
المهم ان القلوب
تفضل تصون عهد الهوا
التعليقات مغلقة.