فرحانة بقلم سامح لطف الله
فرحانة بتزقطط
وماسكة فستانها
أخضر وبيلالي
والجزمة من لونه
وكعبها عالي
قلتلها يا صبيه
فرحانة يا عنيه؟
قالتلي يا عمو
مش بكرة هنعيِّد
ولربنا نصلي
وندبح للخرفان
ونعلق الزينه
م المدنة للجامع
وينور الشارع
ونلعن الأحزان
عيونها مبتسمة
طايرة ولا النسمة
بفرحة الخلان
أمانة يا فرْحي
طببْ أنين جرحي
وإكتب علي الجدران
طلَّقنا أحزانا
يا نسمة الجنة
مكتوب لنا الغفران
يا عيدي هنعيد
وقلبنا الجيد
لمصر بر أمان
التعليقات مغلقة.