هاونسك …منى الشوربجى

لما اكون محتاجة
احكى بالساعات
اقول لمين
لما ابقى شاغلة
راسى بحكايات
تبقى انت فين
كنت لامس نبض قلبى
كنت جنبى
رغم انى كنت دايما ابعدك
الا قلبك حس انى
باوعدك
شد وترك لحن عود
حلفت لك
انى عمرى مش هسيبك
أو حتى أتلحف بغيرك
كل رفضى وكتر سهدى
رغم بعدى والغياب
انت برده سبتنى
وسبقتنى فحفنة تراب
جمدت نور العين بنوحى
ودموع وريدى اتألمت
مر العذاب
روحى فيك دابت بعاد
وخيوط سنينى اتلملمت
نسجت رماد
يارب يبقى ف جنتك
اصبح حبيبى كوم رماد
ايام حياتى باوعدك
وهاوعدك
انا كل ليلة بونسك
هاونسك

منى الشوربجى